خلال مباراة الامس بين
الاهلي المصري وغزل المحلة (لمن شاهدوها) اثبت طقم الحكام المصري انهم(طقم حلل) وانهم لا يفقهون شئ قي الكورة
لو تلاحظو كام اوف سايد الحكم حسبه على النادي الاهلي ظلم وكان هذا في بداية المباراة (الاوف سايد اللي الحكم حسبه على ابو تريكا) والعجيب في الامر ان في منتصف الشوط الثاني في اوف سايد كان المفروض يتحسب على النادي الاهلي بس بما اننا عارفين ان الحكم بتاعنا عامل دماغ عالية اوي محسبهوش
بجد دة (طقم حلل) والموضوع التاني اللي احب اعلق علية وهو ليه صلة بالموضوع الاول وهو الموضوع الاساسي
ان المدير الفني للنادي الاهلى مانويل جوزية
(له مني كل الاحترام والتقدير) من كتر اللي شافه من حكام مصر اتكلم بالعربي
لو دققتو في وجهه بعد ما الحكم حسب حاجة على الاهلي ظلم مانويل قال :الشرطة!!! انبي!!!! غزل!!!
واللي يتابع الدوري المصري يعرف هو بيتكلم على ايه
1-الشرطة: يقصد بيها نادي الشرطة اللي الاهلي لعب ضدة وكان يقدر يهزمه بمنتهى السهولة (مع احترامي لنادي الشرطة) لولا ظلم الحكام ودماغهم العالية
2- انبي: برضه نفس حكاية الشرطة وان كان في احتكاك شوية في المباراة بس الحكام اثبتو جدارتهم في شرب المعسل اثناء المباراة.
3- غزل: والمقصود بيه غزل المحلة وهو اللي بحكي قصته.
ومن الظريف اني اذكر ان مانويل جوزية بعد هدف محمد بركات زعيم الحركات الجميل انه صاح في وجه الحكام قائلا:غصب عنكم!! غصب عنكم.
بجد احنا خلينا الخواجة يتكلم عربي بجد طقم الحلل الي عندنا يشلوا نصف العالم
واللي معصبني الصراحة لما قام حكم الباراة(مش عارف اسمه ولا عايز اعرفه) في بداية الشوط التاني بطرد واحد من الجهاز الفني للنادي الاهلي
وانا احب ارد على هذا التصرف بـ: بدل متقعد تعمل فيها حكم وتطرد واحد معملش حاجة اتشطر يا عم الاول على اللعيبة واحكم بينهم بالعدل والكلام دة اوجهه لكل حكااام مصر الاهلي بطل مصر بطل القارة على طوووووووووووووووول مهما حصل من ظلمكم الاهلي معاه الله.
وارجو اني مكنش طولت عليكم واعذروني لو صدر مني شي ماعجبكمش والسلام عليكم ورحمة الله
(الرجاء الردود)