شرح لعبة world of warcraft

اولا اطلب من الاعضاء انهم يحاولوا يساعدونى عشان الموضوع مش سهل وانا ححاول انى اشرحه كاملا والله معانا

ده موقع اللعبة هتلاقى فيه كل ما يتعلق باللعبة من طأطأ لسلامو عليكو

على فكره
wow نزلت سنة 2004 يعنى بقالها تقريبا 3 سنين و على مدار 3 سنين مفيش لعبة اونلاين عرفت تنافسها
بصراحة انا شايف اى مقارنة بين سيلك رود و wow هتكون ظالمة جدا

نبدأ بقصة اللعبه

اللعبة تكملة لسلسلة warcraft الشهيرة .. و هى للى ميعرفش من اشهر العاب الأستراتيجى .. و فى نفس الوقت عملوها على طريقة diablo اللى هى افضل لعبة نزلت على الكمبيوتر لحد دلوقتى .. يعنى خدوا قصة warcraft و دمجوها مع ستايل diablo عشان يعملوا لعبة من افضل الألعاب اللى نزلت للكمبيوتر
اللعبة بتتكلم على الحرب الدائرة بين جيش ال alliance و جيش ال horde ( اللى اتفرج على lord of the rings هيفهم حاجات كتير فى القصة )
جيش ال alliance و هو جيش الخير و اللى بيدافع عن ارضه من طغيان جيش horde اللى هم قوى الشر اللى بتحاول تدمر جيش alliance و تحتل ارضهم
ال alliance متمثلين فى human, night elf, dwarf, gnomes
ال horde متمثلين فى orces, tauren , trolls, undead
طبعا اللى لعب warcraft 3 هيبقى فاهم الحاجات دى
اللعبة عبارة عن war based game يعنى انته طول ما انت فى اللعبة ممكن ييجى اى واحد من الجيش التانى و يحاربك من غير ما ياخد رأيك
فلازم تبقى دايما مستعد و نفس الكلام انت ممكن فى اى وقت لو شفت واحد من الجيش التانى تحط عليه
و على حسب عدد اللى بتقتلهم من الجيش التانى بتاخد rank points كل اما تقتل اكتر تاخد لقب من اول عسكرى لحد جنرال و كل لما لقبك يعلى بيتفتحلك حاجات .. لبس و اسلحة و حصنة و حتى ممكن يتفتحلك كويستات
فى 9 شخصيات ممكن تختار اى واحدة فيهم .. بس مش كل ال 9 متاحين لكل الraces .. كل race له نقط قوة و ضعف .. ذكائك انك تختار الشخصية اللى تلائم ال race المتاح فيها الشخصية دى و فى الأخر شخصيتك هتعبر عن تفكيرك .. مثلا :
alliance :
humans : warrior , paladin , rogue, mage, warlock, priest
night elves : warrior,rogue, hunter, druid, priest
dwarves : warrior, paladin , hunter , rogue, priest
gnomes : warrior , mage, warlock , rogue

horde :
orces : warrior, hunter, rogue, shaman , warlock
trolls : warrior, hunter, rogue, mage, priest shaman
tauren : warrior, druid, Hunter, shaman
undead : warrior, rogue, mage, priest, warlock
بعد ما بتختار الشخصية بتاعتك و تختار الأسم و الذى منه كده انت داخل فى عالم

و ديه صور للشرح اكتر

ده واحده فى lvl 60


دى صورة للبسها و ال states و حبة سكيلز تحت


ده سبع .. تا**ى العاصمة .. هنا وسيله المواصلات موجودة معك على طول مش استخدام مرة واحدة زى سيلك رود

و دى احد السكيلز .. ice armor

ده وحش boss elite يعنى اللى خايف يروح


شرح الشخصيات

هشرح الأول ال races ( السلالات )
طبعا زى ما قلت قبل كده ان كل جيش له سلالات فيه .. و كل سلالة ليها نقط قوة و ضعف .. و كل سلاله لها ميزة خاصة بيها لوحدها مش موجودة فى اى سلاله تانية
هبدأ بجيش ال alliance جيش الخبر

Humans : و دول يعتبروا قادة جيش ال alliance


لمدينة بتاعتهم stormwind .. غالبا بتكون ملتقى لكل جيش ال alliance
مميزاتهم : عندهم سكيل موجودة لوحدها لما بتشغلها بتساعدك انك تشوف المتخفيين
عندهم قدرة على رفع سكيل السيف و الهراوات ( maces ) بنسبة 5% اسرع من اى سلاله تانية
عندهم ال spirit اعلى من اى سلالة تانية ب 5% .. و دى اللى بتتحكم فى سرعة رجوع ال hp , mp و بتفرق فى healing skills
عندهم قدرة الدبلوماسية .. بتخليك محبوب فى اى مدينة تروحها تبع ال alliance اكتر من اى سلالة تانية ب 10%
وسيلة مواصلاتهم الأساسية : الحصان
الشخصيات المتاحة ليهم : warrior , paladin , rogue , mage, warlock , priest
( هشرح دول بالتفصيل ان شاء الله بس اخلص السلالات الأول )

Night elves


مدينتهم Darnassus
مميزاتهم : عندهم اسكيل بتخليهم يتخفوا و محدش يشوفهم لمدة 20 ثانية
بيقدروا يفادوا الصربات اكتر من اى سلالة تانية ب 1%
لما اللاعب يموت بيبقى اسرع ب 25% من اى سلالة تانية فى الرجوع ( يصحى تانى )
يقدروا يقاوموا قوى الطبيعة ب 10
وسيلة مواصلتهم الأساسية : النمور
الشخصيات المتاحة ليهم : warrior , hunter, rogue , druid , priest

dwarves


3"]مدينتهم : ironforge
مميزاتهم :
عندهم سكيل لما تشغلها تخليك عندك مناعة للنزيف و السم و الأمراض و تزود ال armor ب 10 %
يقدروا يعلوا ال gun skill اسرع من اى سلالة تانية ب 5%
يقاوموا الثلج ب 10
عندهم سكيل لما تشغلها تخليك تكتشف الكنوز اللى حواليك .. ( الحتة دى ليها تكملة لما اشرح ال professions ان شاء الله )
وسيلة المواصلات : الكبش
الشخصيات المتاحة : warrior , paladin , hunter , rogue , priest
[/size]

Gnomes


مدينتهم : ironforge
مميزاتهم :
عندهم سكيل تمكنهم من الهروب
الذكاء عندهم اعلى من اى سلالة ب 5%
يقدروا يقاوموا السحر الأسود ب 10
سكيل الهندسة عندهم ي**د عن اى سلالة ب 15
وسيلة المواصلات : النعامة الميكا***ية
الشخصيات المتاحة : warrior , rogue , warlock , mage


جيش الشر .. المجرمين الوحشين .. Horde


دول فيهم السلالات :
Orcs : و دول هم قادة جيش ال horde


مدينتهم : ogrimmar
مميزاتهم :
عندهم اسكيل بتزود قوة الضربة لمدة 15 ثانية
بيقاموا ال stun و ال knockout ب 15%
الحيوان الأليف بتاعك قوة ضربته بتزيد ب 5%
بيعلوا سكيل الفأس اسرع من اى سلاله ب 5
وسيلة المواصلات : wolf
الشخصيات المتاحة : warrior, hunter rogue , shaman , warlock


Trolls

مدينتهم : Ogrimmar
مميزاتهم :
عندهم سكيل بتزود سرعة ضرباتك ب 10-30 % لمدة 10 ثوانى
اسرع من اى سلالة فى استرجاع ال hp ب 10 %
بيسببوا نقصان لقوة الوحوش اكتر من اى سلالة ب 5%
اعلى من اى سلالة فى اسلحة الرمى ب 5
اعلى من اى سلالة فى سكيل القوس ب 5
وسيلة المواصلات : ديناصور صغير
الشخصيات المتاحة : warrior , hunter , rogue , mage , priest , shaman


Undead



مدينتهم : Undercity
مميزاتهم :
عندهم اسكيل بيديهم مناعة ضد التنويم و التخويف و الجاذبية
سكيل بيخليهم يسترجعوا 7% من ال hp بتاعهم كل ثانيتين
يقدروا يستحملوا الغوص تحت المياه اكتر من اى سلالة ب 300 %
يقدروا يقاوموا سحر الظلام ب 10
وسيلة المواصلات : حصان هيكل عظمى
الشخصيات المتاحة : warrior , rogue, mage , priest , warlock


Tauren


دينتهم : Thunder bluff
مميزاتهم :
سكيل تخليه يعمل stun لحد 5 لاعبين واقفين فى قطر 8 ياردة منه
ال hp اعلى من اى سلالة ب 5%
مهارة جمع الأعشاب الطبيعية بتاعته اعلى من اى سلالة ب 15
يقاوموا قوى الطبيعة ب 10
وسيلة المواصلات : كودو .. هو بتاع شبه الخرتيت كده



الشخصيات المتاحة : warrior , hunter , druid , shaman
نبدأ فى شرح الشخصيات .. يا مسهل
هرتب الشخصيات بالترتيب الأبجدى


Druid

دول جنود الطبيعة .. بيستخدموا قوى الطبيعة فى تدمير العدو او استرجاع القوة ( healing )
السلالات المتاحة لها: Night elf ,, Tauren
النوع : hybrid int - primary healer
اللبس : cloth , leather
الأسلحة : Staves, One and Two-handed Maces, Daggers,Fist Weapons
خصائص الشخصية : افضل شخصية تلعب بيها لوحدك مع الوحوش ,, healer قوى لا يستهان به .. buffer قوى
نقاط القوة : - يستطيع ان يتحول لنمر او دب ( النمر مشابة لشخصية rogue و الدب مشابه لشخصية warrior و لكن ليس بقوتهم )
- يستطيع ان يعمل heal لنفسه او أصحابه
- buffer لنفسه و لأصحابه
نقاط الضعف : - لما يتحول للنمر او للدب بيكون اضعف من الشخصية الحقيقة
- يلبس ال cloth و ال leather فقط
- لما تكون فى شكل النمر او الدب متقدرش تستخدم سكيلاتك الأساسة او اسكيلات الشكل الأخر ( كل شكل له اسكيلاته لوحده )
ملاحظات مهمة : لازم تعرف امتى و ازاى تستخدم كل شكل
( الشكل العادى و النمر و الدب )


Hunter

لصورة دى dwarf hunter ماسك بندقية فيها عدسة مكبرة
ال hunter هو اقوى شخصية فى الضرب من بعيد .. يقدروا يوصلوا لأماكن من الصعب ان اى حد غيرهم يوصلها
السلالات المتاحة : night elf ,, dwarf ,, Orc ,, tauren ,, troll
النوع : hybrid -ranged physical dmg dealers
اللبس : cloth ,, leather ,, mail (lvl 40 ال mail ده نوع من اللبس يتميز بخفة وزنه و قدرته الدفاعية العالية .. تقدر تستخدمه من لفل 40
الأسلحة : Axes, Daggers, Guns, Bows, Crossbows, Fist Weapons, Polearms, Staves, Swords, Throw weapons, Two-Handed Swords
خصائص الشخصية : الشخصية للى بيحب يلعب مع حيوان اليف .. يبأكله و يعلمه اسكيلز و ممكن يبقى معاك لحد 3 حيوانات اليفة بس مينفعش تستخدم اكتر من واحد فيهم فى نفس الوقت
نقط القوة : يقدر يستأنس انواع كتيرة من الوحوش و يخليهم تابعين له و يقدر يتحكم فيهم
افضل شخصية للضرب من بعد
يقدر يعمل افخاخ للإيقاع بأعداؤه
مفيد فى سحب الوحوش .. مثلا لو فى مجموعة من اللاعبين امامهم مجموعة كبيرة من الوحوش يقدر يسحب واحد بس عشان يبقى سهل انهم يقتلوه و يحافظوا على نفسهم و بيبقى اسمه puller
نقط الضعف : عنده نقطة ميتة لا يستطيع استخدام اى سكيلات اذا حد هاجمه من النقطة دى
اسكيلاته فى الأسلحة القصيرة زى السيف و الخنجر قليلة و مش قوية
ملاحظات مهمة : لازم تتعلم ازاى تفضل محافظ على مسافة كويسة بينك و بين عدوك عشان تحقق اكبر دامج بأقل خسائر
تعرف اى انواع من الوحوش تستأنسها و امتى تستخدمها

Mage

[
SIZE="3"]ل Mage يمتلكوا قوى النار و التلج و الغموض متخصصين فى تدمير الأعداء بواسطة السحر
السلالات المتاحة : Human ,, Gnome ,, Undead ,, troll
النوع : pure int - primary magic dmg dealer
اللبس : cloth
الأسلحة : staves ,, wands ,, dagger ,, sword
الخصائص : اقوى قوة هجومية فى اللعبة .. و خصوصا ال Fire mage ( فى تكملة فى الحتة دى لما نيجى لل talent points ان شاء الله )
Damage is the name of the Mage game, and they do it well
نقط القوة : اعلى دامج تقدر تعمله فى اللعبة
يقدر يهاجم عدد كبير من الأعداء فى نفس الوقت باستخدام ال area effect spells و اللى تعتبر هى القوة الرئيسية لل mage
عندهم قدرات عالية للهروب اذا حصل اى مشكلة باستخدام سكل ال blink اللى بتنقلك 35 متر فى لحظتها و سكل تجمد العدو و سكل تحول العدو لمعزة
يقدروا يحققوا اعلى دامج فى اقل وقت و من مسافات بعيدة نسبيا
يقدر ينقل نفسه و اصحابه من مكان ال training للمدينة فى لحظة باستخدام teleport ,, portals اللى يقدر يعملهم
نقط الضعف : ال Hp قليل جدا .. عشان هم pure int
ميقدروش يلبسوا إلا ال cloth
ضعيف جدا فى استخدام الأسلحة .. تقريبا ملوش فيها اصلا لأنه مش محتاجها من اساسه عنده اللى يكفيه
معندوش healing skills
ملاحظات : لازم تعرف إزاى تفضل عايش عشان تقدر تعمل اكبر دامج[/size]

تابع الشرح

حماة ال alliance ( الموضوع ده اتغير فى ال expansion الجديد tHE BURNING CRUSADE اللى هتكلم عليه بعدين ) باستخدام القوى المقدسة و انهم حماة الضعفاء .. يضحوا بأنفسهم عشان غيرهم يعيش .. شوف الزمن
السلالات المتاحة : Humans ,, dwarf
النوع : hybrid str-secondary healer
اللبس : cloth ,, leather ,,mail ,, plate (lvl 40) ,, shields
الأسلحة : One and Two-handed Maces, One and Two-handed Swords, One and Two-handed Axes, Polearms
الخصائص : هايبرد متخصص فى استخدام الأسلحة
نقط القوة : يقدروا يلبسوا كل انواع اللبس و بيستخدموا عدد كبير من الأسلحة
يقدروا يعملوا HEAL لنفسهم و لصحابهم
buffer على خفيف لنفسه و اصحابه
يقدروا يستحملوا الضرب نوعا ما
ليهم حصان خاص بيهم شكله مختلف عن بقيت الحصنة


نقط الضعف : يعتمدوا على ال mana فى السكيلز بتاعتهم و الmp قليل نسبيا
معندهومش اى اسلحة او سكيلات للضرب من بعيد
ملاحظات : الشخصية دى بالذات لازم تعرف تستخدم اسكيلاتك صح .. يعنى متعملش heal للوحش ( مينفعش اصلا بس لازم تكون مركز عشان هيقعد يقولك invalid target

priest

healing و ال buff .. يوجد عندهم سحر الظلام يخليه ينزل لعنات على اعداؤه
السلالات المتاحة : Humans, Dwarves, Night Elves, Undead, Trolls
النوع : pure int - primary healer
اللبس : cloth
الأسلحة : One-Handed Maces, Daggers, Staves, Wands
الخصائص : اقوى healer و buffer فى اللعبة .. لو فى جروب ممكن يعمل buff للجروب كله مع بعض و غالبا اى raid او معركة لازم هتشوف فيها priest
نقط القوة : يقدروا يعملوا healing ,, buffs ,, resurrect
يقدروا يحموا اصحابهم من الضرب باستخدام سكيل تمتص الضربات
يقدروا يجذبوا نوع من الوحوش humanoids و يبقى تبعهم
يقدروا يخوفوا اعداؤهم باسخدام سكل fear و عدوهم ميقدرش يهاجم لفترة معينة
نقط الضعف : يلبس cloth فقط
hp قليل جدا و مفيش سكيلات للأسلحة
مش اى حد يقدر يلعب بيه لأنه عاوز قدرة عالية من التركيز و الذكاء و إلا هتموت انت و اللى معاك
ملاحظات : ال priest من اهم و اصعب الشخصيات للعب بيها .. لازم تكون دايما مركز و تاخد بالك ان حياة الناس اللى معاك معتدمة عليك اى غلطة منك و هيروحوا فى الكازوزة

Rogue


سرع شخصية فى استخدام الأسلحة .. زعماء التخفى و الأغتيال .. يقدروا يمروا من امام اعداؤهم من غير ما يشوفوهم .. يقدروا يفتحوا الصناديق والأبواب الموصدة
السلالات المتاحة : Humans ,, Night elf ,, Gnomes ,, Dwarf ,, Orc,, Undead ,, Trol
النوع : hybrid - primary melee dmg dealer
اللبس : cloth ,, leather
الأسلحة : Dagger, Swords, Maces, Fist Weapons, Thrown, Guns, Bows, Crossbows
الخصائص : شخصية مفضلة لمن يحب احداث دامج كبير .. لا يعتمدوا على ال mana لأنهم يستخدموا ال energy بدل من ال mp و ال energy اسرع من ال mp .. يستخدموا ال combo hits
نقط القوة : يقدر يتخفى و ده بيخليه يوصل لأبعد الأماكن اكتر من اى سلالة تانية
يقدر يعمل و يستخدم السم لأصابة و تبطىء اعداؤه
قدرات عالية فى استخدام عدد كبير من الأسلحة
يقدروا ي**روا الأقفال
يقدروا يهربوا من المعركة بسرعة
نقط الضعف : يلبس cloth , leather فقط رغم انه بيضرب من قريب
مفيش عنده healing و مبيعملش buff غير لنفسه
ملاحظات : لازم تتدرب كتير على التخفى و تعرف امتى تستخدمه
تعرف ايه ال combo المناسب لكل معركة

shaman

لقادة الروحانيين للقبائل و العشائر .. سر من اسرار ال horde .. يقدروا يستخدموا المواد فى صنع التمائم
السلالات المتاحة : Orcs, Tauren, Trolls
النوع : hybrid int - secondary healer
اللبس : Cloth, Leather, Mail (level 40), Shields
الأسلحة : One-Handed Maces, Two-Handed Maces (w/ talents) Stave fist weapons , one handed axes , two handed axes (w/ talents ) ,daggers
الخصائص : هايبرد يميل لأستخدام السحر اكتر من الأسلحة
نقط القوة : يقدروا يعملوا heal لنفسهم و يصحوا اصحابهم
يقدر يتحول ل ghost wolf عشان يجرى بسرعة
يقدر يعمل و يستخدم تمائم الأرض و الماء و الهواء و النار .. التمائم دى اللى فى الصورة فوق حوالين ال shaman اى حد يقف جنبها يستفيد منها
يقدر يمشى على المياة
يقدر يستخدم سكيلات اسلحة و سحر
نقط الضعف : التمائم سهل تدميرها
يعتمد على ال mp و هى مش عالية اوى عنده
ال buffs بتاعته منحصرة فى التمائم و اول ما الناس تبعد عنها بيزول تأثيرها
ملاحظات : لازم تعرف ايه فايدة التمائم و امتى تستخدمها

warlock



ال warlock البتاع الصغير ده المارد اللى وراه ده حاجة زى حيوان اليف .. تخيل
زعماء السحر الأسود و سحر الظلام و القوى الشيطانية .. يلقوا اللعنات على اعداؤهم مسببين خسائر فادحة لهم
السلالات المتاحة : Gnomes, Humans, Orcs, Undead,
النوع : pure int - debuffer
اللبس cloth
الأسلحة : Dagger , staff ,, sword ,, wand
الخصائص : شخصية ممتازة لمن يحب اللعب لوحده
نقط القوة : يقدر يعمل summon ل demons ( البغل اللى فى الصورة اللى فوق ده ) ده بيكون زى حيوان اليف بيحارب معاك .. و كمان الديمون ده بيقدر يستخدم اسكيلات ماجيك فى تدمير اعدائك
يقدر يعمل health stone يستخدمها هو و اصحابه وقت الحاجة لأسترجاع ال hp
يقدر يمتص حياة اعداؤه .. يعنى يسحب hp منهم
يقدر يشيل ال buffs من على اعداؤه باستخدام اللعنات .. عشان كده اسمه debuffer
له حصان مختلف عن الباقى و ده شكله


نقط الضعف : يلبس cloth فقط
ملوش فى الأسلحة
ملاحيظ : لازم تتعلم ازاى تعمل soulshard و دى بأنك تمتص حياه اعدائك و دى اللى بتستخدمها انك تعمل health stone
و تتعلم انك تستخدم اسكيلاتك و اسكيلات الديمون اللى معاك

warrior


زعماء معارك الأسلحة .. اقوى شخصية من ناحية القوة البدنية
السلالات المتاحة : كل السلالات
النوع : pure str - primary tanker و ده الوحيد اللى Pure str فى اللعبة
اللبس : Cloth, Leather, Mail, Plate (level 40), Shields
الأسلحة : كل انواع الأسلحة ما عدا wand
الخصائص : للى بيحب يكون تانكر .. و يكون فى وش المدفع
نقط القوة : يقدروا يستخدموا كل انواع اللبس و الأسلحة ( ما عدا ال wands )
اعلى hp فى اللعبة
مهارات عالية فى استخدام الأسلحة
يقدر يعمل pulling للوحوش باستخدام الأسلحة بعيدة المدى زى القوس
بيحموا اصحابهم من انهم يتلقوا الضرب .. عيال بتحب تاخد على قفاها
لا يعتمد على ال mana
نقط الضعف : معندوش healing
مش قوى فى اسلحة المسافات البعيدة زى القوس و البندقية و الcrossbow
ملاحيظ : خش فى الحيطة و لا يهمك حاجة طول ممعاك حد يعملك healing و استلقى ضرب بأه يا معلم

كده و الحمد لله انتهيت من شرح الشخصيات

خر حاجة فى السلالات ..
هم فى ال expansion نزلوا سلالتين جداد عشان كان فيه ال paladin فى ال alliance بس و ال shaman فى ال horde بس .. فعشان يرضوا كل الناس نزلوا سلالة فى ال alliance فيها shaman و نزلوا سلالة فى ال horde فيها paladin .. بس كده .. ففضلت انى افصلهم لوحدهم عشان لو حد عاوز النسخة القديمة يلاقى اللى عاوزه من غير ما يتشتت اكتر مهو هيتشتت


Alliance : Draenei



ول كانوا اسياد ال tauren و لكن ال tauren خانوهم و سجنوا قائدهم .. بعد ما هربوا من ارضهم راحوا جيش ال alliance عشان بنتقموا من ال tauren
مدينتهم : Exodar
مميزاتهم : افضل من اى سلالة فى صناعة الجواهر ب 5
عندهم سكيل healing لنفسهم و لصحابهم
عندهم سكيل تزود الضربات لهم و لصحابهم ب 1 %
يقاوموا سحر الظلام ب 10
وسيلة المواصلات : Elekks


الشخصيات المتاحة : warrior ,, paladin ,, hunter ,, mage ,, priest ,, shaman


Horde : Blood Elf


بيسموا نفسهم high elves و بيعتبروا نفسهم سادة ال night elf .. عندهم انانية و غرور مما ادى بهم للنزوح من بلدهم لينضموا لقوى الشر .. طمعا فى مزيد من السلطة و القوة
مدينتهم : Eversong Forest
مميزاتهم : مهنة ال enchanting اعلى من اى سلالة ب 10
سكيل لما يستخدمها يثبت الأعداء اللى حواليه لثانيتين
يقاموا كل انواع السحر ب 5
يقدروا بقللوا ال mp للعدو و بالتالى حرمانه من استخدام بعض اسكيلاته
وسيلة المواصلات : Hawkstrider

الشخصيات المتاحة : paladin , hunter , rogue , priest mage , warlock
لحمد لله وصلنا لأن انت خلاص عملت الشخصية و اتكيت Enter world و اللعبة حملت و اتفرجت على الفيديو
اول صورة هتشوفها فى اللعبة هى دى و انا علمت على الحاجات المهمة اللى لازم تعرف دول فايدتهم ايه عشان تعرف تتعامل معاهم .. الشخصية دى Night elf Rogue فاديك لو بسلالة تانية المكان هيختلف بس نفس شكل الinterface برضه


الشخصية بتاعتك : الأسم و اللفل و ال HP bar و ال MP bar بس الشخصية دى rogue بدل ال mp عنده energy الشكل مش هتفرق غير فى اللون .. ال mp لونه ازرق
2- الخريطة المصغرة : هتلاقى فيها اسم الحتة اللى انت فيها .. zoom in/out .. الهلال ده معناه انك بالليل ( بالنهار هيبقى شمس اكيد ) و اليوم 24 ساعة يعنى لو انت بتدخل بالليل بس و مبتلعبش يالنهار مش هتشوف الشمس .. و لو انت بتلعب بالنهار بس مش هتشوف الليل و منظر الغروب و الشروق تحفة
3- quest giver : ده اللى هيديك اول كويست
4- chat window : و دى فيها بهاريز كتير احلى حاجة فيها emotes اللى ممكن تضحك و تعيط و ترقص و تنام و تصقف و تعا** مزز و حاجات كتيييير .. اكتشفها بنفسك و انت هتتبسط اوى
5- skill bar : ده اللى بتحط فيه اسكيلاتك زى سيلك .. ممكن تدخل على ال interface menu ( اتك Esc هتلاقى interface options ) و فيها ممكن تزود بارات زى مانت عاوز لحد ما تملى الشاشة
6- الشنط : و ممكن تشيل لحد 5 شنط .. اكبر شنطة 16 مكان و اصغر شنطة 6 اماكن و بتبدأ بشنطة 16 مكان
7- latency : و ده اللى بيقولك ال ping بينك و بين السيرفر كام .. كل ما يكوت الرقم اصغر كل ما كان افضل .. لما البار يكون اخضر معناه latency قليل .. اصفر نص نص .. احمر يعنى لاااااج
8- character window : و ممكن تفتحها بأنك تتك على حرف c و دى هتلاقى فيها اللبس و الأسلحة اللى انت مستخدمهم و هتلاقى صفات الشخصية و حاجات من دى
9- skill book : حرف p .. اى سكل معاك هتلاقيها فى الكتاب ده .. لو عاوز تستخدم سكيل اتك right click .. لو عاوز تنقلها لل skill bar اتك عليها left click و حطها فى الحته اللى انت عاوزها
10- quest log : حرف L .. و ده هتلاقى فيه كل الكويستات اللى معاك بشرحها
11- social : حرف O .. فيها اصحابك و الجيلد بتاعك
12- raid options : و دى موجودة فى WOW TBC بس و مش وجودة فى النسخة القديمة .. استخدامها انك تحجز حته من الحتت اللى فيها دروبات كتير و بيبقى فيه طابور عشان النظام حلو برضه .. على السيرفرات المجانية مش هتحتاجها لأن اصلا الدنيا فاضية هتحجز ليه ؟؟
13- main menu : هى نفسها لو اتكيت Esc مش هتفرق
14- help : دى استخدمها على السيرفر الأصلى انك تطلب مساعدة و غالبا هتلاقة GM نطلك زى العفريت

ده كده حلو اوى ...
ندخل بأه فى القتل .. ده الكلام المفيد


- دى بيانات الوحش .. اسمه و لفله و رقم تليفونه
الأسم مكتوب بالأصفر و ده معناه انه مش هيهاجمك إلا لو انت هاجمته الأول
لو الأسم بالأحمر ابقى خد بالك و انت معدى من جنبه عشان ميعوركش
2- ده الكويست اللى شغال .. بيعرفك انت وصلت لحد فين فيه .. شايفين المطلوب اقتل كام وحش ؟؟ اغلب الكويستات بتلعب فى العدد ده و قليل لما العدد يزيد عن 20 وحش
لما توصل لفل 10 بيطلعلك حاجة جديدة فى ال bar اللى تحت و هى ال talents points اللى مشاور عليها بالسهم الأهلاوى ده
ده لما بتتك عليه بيفتحلك talent window و فيها هيقلك انت معاك كام talent point و حاططهم فى ايه .. انظر الشكل

1- عدد ال talent points أللى انت حاططها فى ال skill tree دى
2- عدد ال talent points اللى مستخدمتهومش .. انا مخلص كلو طبعا
3- ال trees اللى متاحة للكلاس ده .. طبعا كل كلاس له trees مختلفة
الtalents points ملهاش اى قيود حطها زى مانت عاوز على حسب مزاجك الشخصى
كده المفروض انك دخلت اللعبة و عملت شخصية و اخدت كويستات و عليت لفلات و اتعلمت سكيلات ... تات تات
لما بتعلى شوية فى اللفل ممكن تتعلم مهنة ( profession ) اهو شغلانه تطلع بيها سبوبة حلوة
فى مهن اساسية ( primary profession ) و فى مهن ثانوية ( secondary profession ) انت ممكن تتعلم 2 مهنة اساسية فقط و ممكن تتعلم اى عدد من المهن الثانوية
طب ايه فايدة المهن دى اصلا ؟؟؟
دى ممكن تعمل بيها اللبس بتاعك و الأسلحة بتاعتك و تعمل potions و تعمل alchemy و تطبخ و تصطاد سمك و تعمل اسعافات اولية ... و فى رايى الشخصى اللى اهم من كل ده انها بتخرجك من مود اللفل اب و الجولد و الضرب و الحوارات دى .. بتقضى وقت لذيذ و انت مريح نفسك و بتحس انك بتعمل حاجة بتستفيد بيها
انا شايف انها روح اللعبة دى
طيب نبدأ مع المهن الأساسية : ( الترتيب ابجدى )
1- Alchemy : ( الكيمياء )
مهنة بتخليك تحول الأعشاب الطبيعية لبوشن تستفيد بيها .. البوشن مش بس اللى تملى ال hp و ال mp .. لا فى بوشن بتزود الarmor بتاعك و بوشن يخليك تختفى و حاجات كده
ممكن تاخد المهنة دى وسيلة للربح السريع بإنك تقعد تعمل بوشن و تبيعه بفلوس .. هت**ب جامد و هتعلى السكيل بتاعت الalchemy
كل ما تعلى السكيل بتخليك ممكن تتعلم حاجات جديدة تعملها
طيب الأعشاب الطبيعية تجيبها منين ؟؟
ممكن لاقيها فى بعض الوحوش و ممكن تشوف حد متعلم مهنة جمع الأعشاب الطبيعية و تشترى منه الأعشاب اللى بيجمعها .. الأفضل انك تاخد المهنة الأساسية التانية هى مهنة جمع الأعشاب ( herbalism )
لما بتقتل وحوش عالية ممكن تلاقى فيهم receipt ( مخطوطة ) لما بتفتحها بتعلمك حاجة جديدة .. و ممكن تاخدها كجايزة فى كويست .. ده غير اللى هتتعلمه اصلا من عند الترينر
لو عاوز تتعلم المهنة دى دور على npc مكتوب فوق دماغه Alchemy trainer ده هتلاقيه فى كل المدن الكبيرة .. اتك عليه و اتعلم
2- Blacksmithing : ( الحدادة )
مهنه تخليك تصنع الدروع و الأسلحة .. بتاخد المعادن المختلفة و تروح تعمل الأسلحة و الدروع ..
نفس الكلام بتاع ال alchemy كل لما تعمل المهنة دى بتعلى السكي بتاعت المهنة و بالتالى تتعلم حاجات جديدة تتعلمها
المعادن ممكن تلاقسها فى بعض الوحوش او ممكن تدرو على لاعب اخر معه مهنة المناجم (mining ) و تشترى منه المعادن اللى جمعها .. و الأفضل انك تتعلم المناجم كمهنة اساسية تانية
برضه تشوف ال npc اللى مكتوب عليه blacksmithing trainer و تتعلم منه
3- Enchanting :
و دى اصعب و اغلى مهنة فى اللعبة .. دى اللى بتخليك تزود قدرات الأسلحة و اللبس ( حاجة زى ال alchemy فى سيلك )
عشان تقدر تزود مميزات على الحاجة لازم يكون معاك المواد الخاصة اللى تعمل بيها ال enchanting .. المواد دى يا اما تشتريها من npc بتمن غالى جدا او ت**ر الأسلحة و اللبس اللى بتلاقيه عشان تاخد المواد اللى هتطلعلك منه .. فى الحاجة دى هتخسر تمن الحاجة اللى كنت ممكن تبيعها .. فعشان كده هى مهنة مكلفة .. مهمة جدا بس مش اى حد بياخدها
4- Engineering :
مهنة جميلة و مرحة .. تقدر تصنع حاجات غريبة تستخدمها فى اللعب .. و غالبا بتدهش اللاعيبين لاحاجت الغريبة اللى بتعملها .. بيقدروا يعملوا متفجرات و مناظير تستخدم مع البندقية و تعمل طلقات البندقية و تعمل تنين ميكا***ى يحارب معاك و حاجات كتير ظريفة .. و ممكن ت**ب من الحاجت اللى بتعملها دى بأنم تبيعها للاعبين التانيين لأنها غالبا بتبقى حاجات مطلوبة .. اكتر سلالة بتستخدم الهندسة هى gnomes لأنهم اصلا بطبيعتهم اذكياء .. فلو gnome وواخد مهنة الهندسة تكد انك هتشوف حاجت غريبة جدا
5- Herbalism :
مهنة تعتبر اساسية لو عاوز تاخد alchemy .. بتلاقى الأعشاب على الأرض او تحت الشجر او فى الصحرا او على بحيرات المياة .. كل نوع من الأعشاب له استخدام و له اماكن معينة تلاقيه فيها .. اكتر سلالة بتعلى ال Herbalism هى ال night elf و هى صورة لاعب بيجمع عشب


ممكن تاخد ال herbalism من غير ما تكون المهنة التانية alchemy و تبيع الأعشاب اللى هتلمها .. م**ب مش بطال برضه
6- Jewelcrafting : ( موجودة فى the burning crusade فقط )
و هى مهنة عمل الخواتم و الحلقان بواسطة الأحجار الكريمة اللى هتلاقيها .. مهنة مفيدة اكتر للفلات العالية .. و هى مهنة ممتعة .. تعملك خاتم الماظ ت**ب فيه قرشين حلوين
7- Leatherworking :
تاخد انواع الجلود المختلفة و تعمل بيها دروع من ال leather ,, mail تلبسها او تبيعها .. مهنة مفيدة بدون اى شك للاعبين اللى بيلبسوا leather او mail زى hunter ,, druid ,, rogue ,, shaman
هتحتاج انواع من الجلود اللى مش هتلاقيها إلا لما تسلخ جلد الوحش .. و بالتالى الطبيعى انك تكون متعلم مهنة ال skinning معاها عشان تسلخ الجثة و تعملها منطلون جلد حلو كده تتمنظر بيه على العيال .. حاجة حلوة خالص
8- Mining :
و دى مهنة جمع المعادن .. غالبا بتكون فى المناجم و الكهوف او حوالين الجبال هتلاقيها بالمنظر ده


المعادن اللى هتلاقيها ممكن تستخدمها ( لو معاك مهنة Blacksmthing او engineering ) بتاخد المعدن اللى لاقيته و تروح على فرن صهر معادن و تصهر المعدن ده و تحوله لقطع يمكن استخدامها فى المهن التانية او ممكن تبيعة بفلوس كويسه على حسب اهميته
9- Tailoring :
و هنا بتاخد انواع الأقمشة المختلفة و تحولها للبس .. يعنى تعملك قميص مشجر كده حكاية
المهنة ى فى حاجة مهمة جدا ممكن ت**بك فلوس بالهبل و هى صناعة الشنط .. فى ناس بتبقى على استعداد انها تكع مبلغ محترم عشان يشترى شنطة اكبر و لو بمكانين فقط لأن غالبا لما تعلى فى اللفل و تطلع raid بتبقى الدروب كتير و مش هتلاقى حتة تحط فيها الدروب
10- Skinning :
و دى اللى بتخليك بعد لما تقتل وحش تسلخه و تاخد الجلد تستخدمه فى ال leatherworking لنك تعمل حاجات روشة تلبسها .. احيانا الجلد ده بعض الناس اللى معاهم tailoring او blacksmithing او engineering احيانا بيحتاجوه فممكن تبيعلهم و ت**ب
هتحتاج سكينة سلخ و دى هتشتريها من npc
فى بعض المهن بتكون متوافقة مع بعض و لازم تاخد بالك انك مش هتعرف تتعلم إلا 2 مهنة اساسية فقط .. فمثلا : Mining تاخد معاها Blacksmithing او Engineering
herbalism تاخد معاها alchemy
skinning تاخد معاها Leatherworking
ال enchanting و ال tailoring و ال jewelcrafting مع نفسهم فممكن تدبر اى اتنين منهم مع بعض
و لازم تختار المهن اللى هتفيد شخصيتك .. مثلا لو انت warrior ,, paladin الأفضل تاخد blacksmithing لو mage ,, priest ,, warlock الأفضل تاخد tailoring و هكذا
طب ازاى لما تتعلم مهنة تستخدمها .. اتك حرف p او اتك على شكل الكتاب اللى هتلاقيه فى الbar اللى تحت هتلاقى المهنة اللى اتعلمتها اتك عليها هيفتحلك صفحة فيها كل الحاجات اللى اتعلمتها فى المهنة دى .. بس خلاص


هتكلم على حاجة من اكتر الحاجات اللى ميزت wow و هى الخريطة بتاعتها
الخريطة عبارة عن قارتين ( 3 فى TBC expansion )
القارتين موجودين فى ارض azeroth و ده شكلهم مع بعض

تابع الشرح

لقارة الأولى و دى اغلبها تحت سيطرة ال alliance و هى eastern kingdom و ده شكلها
و دى فيها 24 محافظة

القارة التانية : Kalimdor و دى اغلبها تحت سيطرة ال horde و دى 20 محافظة


دى خريطة outland (موجودة فى TBC expansion فقط و هى كده كده لازم تكون لفل 60+ عشان تروحها و دى 7 محافظات فقط بس فيهم الشفا


طبعا اللى شاف منظر الخريطة اتخض
تخيل بأه عشان تروح من مدينة لمدينة .. ربنا يديك الصحة و توصل
فأكيد فى طرق للوصول السريع بين المدن
فى كذا نوع من المواصلات :
اشهر و اسرع نوع و هو ال flight paths ( الطرق الجوية ) و زى مهو باين من اسمه انك بتطير بطريقة ما عشان تسافر من مدينة لمدينة .. فى نوعين من المواصلات الطاترة و هم gryphon فى ال alliance و ال wyvern لل horde .. هتلاقى فى كل مدينة npc واحد على الأقل هو اللى بتديله فلوس ينقلك للحتة اللى انت عاوزها و كل ما كانت الرحلة طوية التمن بيزيد .. استغلال .. بس بتبقى رحلات ممتعة جدا و انت بتتفرج على الدنيا من فوق

عيوب وسيلة المواصلات دى انك فى الأول مش هيبقى عندك غير مدينة واحدة بس اللى موجوده على الطرق الجوية .. لازم كل لما تروح مدينة جديدة تدور اول حاجة على ال npc اللى ماسك المطار و هتلاقى عليه علامة تعجب خضرا لما تشوفه اول مرة لما تتك عيه هيقولك new flight path discovered و كل لما توسع الشبكة بتاعك بتسهلك الأنتقال بين المدن .. فلازم لما تكون عاوز تروح مدينة لأول مرة تتمشاها .. و عيب تانى انها بتنقلك عند مكان ال npc فلسه هتروح من عند ال npc للمكان اللى انت عاوزه فى المدينه دى
تانى وسيلة هى وسائل المواصت الأرضية و المتمثلة فى الحصان لل humans و النمر لل night elves و الجدى لل dwarves و النعامة الميكا***ية للgnomes و الفيل لل draenei و الذئب للorc و ال kodo لل tauren و الحصان العظمى للundead و الديناصور الصغير للtroll و hawkstrider لل blood elves .. ده بتقدر تستخدمه من اول لفل 40 و بتقدر تروح بيه اى حته و معاك على طول فى الشنطة كل لما تحتاجه قوله بسسسسسسس او شى حاااااااا
عيبه انه ابطأ من الطرق الجوية و الوحوش بتجرى وراك و انت راكبه و تمنه الى حد ما غالى شوية .. بس هتدفع مرة واحدة و خلاص

تالت وسيلة و هى مترو الأنفاق و دى ما بين stormwind city اللى هى عاصمة ال humans و ironforge عاصمة ال dwaf و ال gnome و ده ببلاش و سريع جدا
رابع وسيلة و هى السفن و دى اللى بتربط القارتين ببعض فى 4 موانى ( 2 فى كل قارة ) مربوطين ببعض عشان تنتقل من قارة للتانية
فى الصور اللى فوق الخطوط اللى باللون البنفسجى دى الطرق الجوية بتاعت ال alliance و اللى باللون الأحمر بتاعت ال horde و اللى باللون الأصفر ده احد الطرق البحرية اللى بتربط القارتين .. الطريق التانى لل alliance قط و هتلاقيه فى مدينة wetlands فى eastern kingdom او dustwallow marsh فى kalimdor
كده انا انتهيت من الشرح منتظر رودودكم

منتظركم



ياويلكم لو ما تردون